لما دخلت الجروبات بتاعة كتابة الروايات ؛ لقيت بوستات كتير لناس بتألف ، كمية مؤلفي روايات مذهلة - بالنسبة لى على الأقل - مكنتش متخيل إنى ممكن ألاقى عدد كبير كده من الناس عندهم نفس الحلم بتاعي ؛ وهو إنى أكتب روايات ، مش بس كده دول سابقنى بخطوات كتير ، لأنهم فعلا ابتدوا يكتبوا وينشروا كمان ، مش بس على شكل بوستات إنما كمان بيجمعوها فى الآخر فى شكل رواية كاملة pdf ، وفى جروبات عاملة لنفسها مجموعات عمل للنشر الإليكترونى ؛ تنسيق وتصميم غلاف ومراجعة .. حاجة عظمة.
لكن لأن انا مش من هواة المسلسلات ، ومعنديش وقت ولا طأطان إنى اتابع رواية حلقة حلقة ويوم يسلم يوم لحد ما نوصل تلاتين يوم ، فرحت داخل على ملفات الجروبات ونزلت نزلت نزلت لحد ما بقى عندى حاحة وعشرين رواية ، أو كنت فاكر إنى نزلت حاجة وعشرين رواية.
يا حضرات فيه واحدة كاتبة حاجة كده زى المناجاة ، حوالى 9 صفحات مع تنسيق كده على طريقة موضوع التعبير المدرسي ، خط كبير والسطر ما بيكملش للآخر ... ومسمياها رواية ، طب ده اسمه كلام؟
نفس الواحدة برضوا عندها رواية خمسة وعشرين صفحة ، ولما تقراها تلاقيها عبارة عن تجميعات بوستات أو مواقف من حياتها او من مسلسلات التليفزيون ؛ الله أعلم ، شوية سرد من غير أى ترابط ولا حبكة ولا راس ولا إيد ولا رجلين ، حرام عليكي يا شيخة.
لكن لأن انا مش من هواة المسلسلات ، ومعنديش وقت ولا طأطان إنى اتابع رواية حلقة حلقة ويوم يسلم يوم لحد ما نوصل تلاتين يوم ، فرحت داخل على ملفات الجروبات ونزلت نزلت نزلت لحد ما بقى عندى حاحة وعشرين رواية ، أو كنت فاكر إنى نزلت حاجة وعشرين رواية.
يا حضرات فيه واحدة كاتبة حاجة كده زى المناجاة ، حوالى 9 صفحات مع تنسيق كده على طريقة موضوع التعبير المدرسي ، خط كبير والسطر ما بيكملش للآخر ... ومسمياها رواية ، طب ده اسمه كلام؟
نفس الواحدة برضوا عندها رواية خمسة وعشرين صفحة ، ولما تقراها تلاقيها عبارة عن تجميعات بوستات أو مواقف من حياتها او من مسلسلات التليفزيون ؛ الله أعلم ، شوية سرد من غير أى ترابط ولا حبكة ولا راس ولا إيد ولا رجلين ، حرام عليكي يا شيخة.
واحدة تانية كاتبة رواية تبع لجان النشر الالكترونى فى جروب كبير ومشهور ، مش عارف اقول ايه!
عبارة عن واحدة عايشة حياتها كلها من يوم م اتولدت لحد م اتجوزت وهى تحت سيطرة ابن عمها (اللى بقى جوزها فى آخر الرواية) ، الرواية ماسبتش حاجة ممكن يعملها علشان يتحكم فيها إلا ورسمت عليها مواقف ، مذاكرتها ، لبسها ، خروجاتها ، اصحابها اللى مش مصاحباهم ، الرياضة اللى عايزه تتعلمها ، حتى اسمها طلع هو اللى مختاره ، ده كلامه بيمشى عليها اكتر من ابوها.
المصيبة بقى ان هى فرحانة ، لأ وفى مشهد قبل الجواز بيقولها : اعملى حسابك بعد الجواز انا ح ابقى سى السيد وانت أمينة ، فترد تقوله : أنا عارفة انك كداب ، لأن انا مش ح اهون عليك.
انتى مصدقة نفسك يا بنتى؟ واللا انتى مش فاهمة يعنى إيه سى السيد أصلا؟ هو لسه فاضل حاجة م اتحكمش فيها ومشى كلامه عليكى فيها؟
على فكرة حتة الراجل المتحكم والمتسلط واللي كلامه بيمشى على اللي بيحبها دي موجودة في روايات كتير ، روايات بتكتبها ستات ، وكأن حلم الستات الدفين إنها تلاقى راجل يشكمها ويعاملها على انها عيلة صغيرة ويحطها في قفص ويحاوطها علشان محدش يقرب لها .. هييييييح ما أعظم المحن.
المهم ، خللينى انا فى الروايات كنص أدبى بغض النظر عن المحتوى سواء اتفقت مع أفكاره أو لأ.
فى رواية - أخيرًا - نقدر نقول عليها رواية ، يعنى فى قصة وفى شخصيات وفى كذا محطة فى الوسط ، صحيح في ملاحظات كتير عليها ؛ أخطاء إملائية ومشاكل في الأسلوب وضعف في بنا الشخصيات وافتعال واضح في القافلة على طريقة الأفلام العربي القديمة.
م الآخر .. درافت أولى مميز ، لكن لا يصلح للنشر بحالته دى ، محتاج مراجعة وإعادة كتابة مرتين كمان على الأقل. ده رأيي.
ومن غير ما تقولوا عليا مغرور لأن انا بقيت كده فعلا بعد الحاجة وعشرين بتاعة اللي قريتهم دول ، أنا ممكن اكتب شخابيط أحسن من أحسن حاجة قريتها ع الجروبات دى لحد دلوقتى.
ولكن.
الكُتَّاب دول ؛ أو بمعنى أدق ؛ الكاتبات دول عندهم حاجة مش عندى ، ومش عارف احط إيدي عليها ، يمكن عندهم تدفق؟ يمكن ، يمكن عندهم إصرار؟ يمكن ، ويمكن عندهم حس الكاتب من غير حس الناقد اللى مطلع عين اللي جابوني ، ومش مخليني عارف اكتب براحتي ، وعايز يفضل يعدل يعدل يعدل حتى من قبل م ابتدي كتابة.
عموما في دروس مستفادة كتير من اللي قريته
1 - اكتب والسلام
2 - انشر والسلام
3 - أغلب القراء ح تكتب لك تعليقات هابلة لكن كلها تشجيع ، وانت محتاج تشجيع.
4 - كل واحد يكتب كومنت لازم ترد عليه ، لأن هو كمان محتاج تشجيع.
5 - إذا لقيت حد بينقدك بإيجابية ودول قليلين ؛ صاحبهم ، صاحبهم علشان ح تحتاج لهم لما تخش في الجد ، لكن قفل معاهم بدبلوماسية وما تخلهمش يكسروا حلقة التشجيع والمديح المفتوحة ع الجروب.
6 - متخلهمش يجعلصوا المواضيع قصاد الناس اللى بتقرا ، احنا لسه فى الاول ، ابقى خدهم ع الخاص او ابقى اعملهم جروب نادى كتاب وشبعهم تحليل ونقد بس لما عودك يشد ويستحمل الضرب.
7 - ملحوظة مهمة جدا : الكتابة بالعامية بتعمل حالة تدفق وبتسهل الكتابة، انا شايف انه لا مانع ان الدرافت الاولانى يبقى عامية، كله عامية. وممكن يبقى تسعين فى المية حوار، كأنك بتكتب مسلسل تركي واللا هندي. هم عاملين كده والناس مبسوطة.
..............................
اكتب ... اكتب يا حسين ، اكتب كل كلمة بيقولها وكل كلمة مبيقولهاش .. ده انتوا ح تجننونى.
المصيبة بقى ان هى فرحانة ، لأ وفى مشهد قبل الجواز بيقولها : اعملى حسابك بعد الجواز انا ح ابقى سى السيد وانت أمينة ، فترد تقوله : أنا عارفة انك كداب ، لأن انا مش ح اهون عليك.
انتى مصدقة نفسك يا بنتى؟ واللا انتى مش فاهمة يعنى إيه سى السيد أصلا؟ هو لسه فاضل حاجة م اتحكمش فيها ومشى كلامه عليكى فيها؟
على فكرة حتة الراجل المتحكم والمتسلط واللي كلامه بيمشى على اللي بيحبها دي موجودة في روايات كتير ، روايات بتكتبها ستات ، وكأن حلم الستات الدفين إنها تلاقى راجل يشكمها ويعاملها على انها عيلة صغيرة ويحطها في قفص ويحاوطها علشان محدش يقرب لها .. هييييييح ما أعظم المحن.
المهم ، خللينى انا فى الروايات كنص أدبى بغض النظر عن المحتوى سواء اتفقت مع أفكاره أو لأ.
فى رواية - أخيرًا - نقدر نقول عليها رواية ، يعنى فى قصة وفى شخصيات وفى كذا محطة فى الوسط ، صحيح في ملاحظات كتير عليها ؛ أخطاء إملائية ومشاكل في الأسلوب وضعف في بنا الشخصيات وافتعال واضح في القافلة على طريقة الأفلام العربي القديمة.
م الآخر .. درافت أولى مميز ، لكن لا يصلح للنشر بحالته دى ، محتاج مراجعة وإعادة كتابة مرتين كمان على الأقل. ده رأيي.
ومن غير ما تقولوا عليا مغرور لأن انا بقيت كده فعلا بعد الحاجة وعشرين بتاعة اللي قريتهم دول ، أنا ممكن اكتب شخابيط أحسن من أحسن حاجة قريتها ع الجروبات دى لحد دلوقتى.
ولكن.
الكُتَّاب دول ؛ أو بمعنى أدق ؛ الكاتبات دول عندهم حاجة مش عندى ، ومش عارف احط إيدي عليها ، يمكن عندهم تدفق؟ يمكن ، يمكن عندهم إصرار؟ يمكن ، ويمكن عندهم حس الكاتب من غير حس الناقد اللى مطلع عين اللي جابوني ، ومش مخليني عارف اكتب براحتي ، وعايز يفضل يعدل يعدل يعدل حتى من قبل م ابتدي كتابة.
عموما في دروس مستفادة كتير من اللي قريته
1 - اكتب والسلام
2 - انشر والسلام
3 - أغلب القراء ح تكتب لك تعليقات هابلة لكن كلها تشجيع ، وانت محتاج تشجيع.
4 - كل واحد يكتب كومنت لازم ترد عليه ، لأن هو كمان محتاج تشجيع.
5 - إذا لقيت حد بينقدك بإيجابية ودول قليلين ؛ صاحبهم ، صاحبهم علشان ح تحتاج لهم لما تخش في الجد ، لكن قفل معاهم بدبلوماسية وما تخلهمش يكسروا حلقة التشجيع والمديح المفتوحة ع الجروب.
6 - متخلهمش يجعلصوا المواضيع قصاد الناس اللى بتقرا ، احنا لسه فى الاول ، ابقى خدهم ع الخاص او ابقى اعملهم جروب نادى كتاب وشبعهم تحليل ونقد بس لما عودك يشد ويستحمل الضرب.
7 - ملحوظة مهمة جدا : الكتابة بالعامية بتعمل حالة تدفق وبتسهل الكتابة، انا شايف انه لا مانع ان الدرافت الاولانى يبقى عامية، كله عامية. وممكن يبقى تسعين فى المية حوار، كأنك بتكتب مسلسل تركي واللا هندي. هم عاملين كده والناس مبسوطة.
..............................
اكتب ... اكتب يا حسين ، اكتب كل كلمة بيقولها وكل كلمة مبيقولهاش .. ده انتوا ح تجننونى.
#Who_am_I?
