أنا الليلادى يارب جايلك
جاى طالب معجزة
مد إيدك ليَّا .. والمس فيَّا الفكر الاعرج
اللى ماشى يزُك يُعرُج
فى الطريق
بين سكتين
سكة يتسنِّد عليك
وسكة م اعرَف ..
هوه سانده فيها مين
مد إيدك ليه يارب
شدِّدُه
رُدُّه ليك .. حتى لو بكرباج المحبة
تهدِّدُه
أنت قادر
أصلى عارفك
وادينى جايلك
أنا الليلادى يارب جايلك
جاى طالب معجزة
.
.
أنا الليلادى يارب جايلك
جاى طالب معجزة
مد إيدك للى صرَّخ بالبُكا
لما ماتت المحبة
لما ماتت المحبة
الحياة صبحت قصادة دَرْبَكَه
الحياه مات طعمها
كل شئ أصبح سئيل
والهم قاعد ضيف تقيل
والخوف سكن قلوبنا محلَّها
مد إيدك
مد إيدك للمحبة ف نعشها
مد إيدك .. قول لها
قومى وعودى للقلوب
للقلوب يارب تانى رُدَّها
أنت قادر
أنت وحدك اللى قادر
وادينى جايلك
جاى طالب معجزة
رائع
ReplyDelete